Бијонсе

Првото спомнување на Кавадарци било во некои турски документи во 1823 год како мала касаба од 2000 жители во источниот дел на Битолски Вилает, ова стара фотографија всушност преставувала  дегустацијата на тивешкото вино во винарницата ,,Тиквеш ,,на семејствотот Велкови во 1926 година чија винарница била отворена во 1885 година и се  сметала за прва винарница на Балканот, најгоре на фотографијата бил синот на Александар, Пане Велков, енолог, кој завршил Школа за правење вино во Бугарија инаку дегустацијата била организирана во чест на високи чиновници на окупаторската српска власт во Вардарска Бановина, како што ја нарекувале Македонија тука учествувале и двајца кавадаречки учители како Миле Јосифов…

Инаку све што се употребувало во винаријата од  пресите, филтрите за вино, пумпите, широмерите и виномерите биле најсофистицирани за тоа време , дури и двете  буриња од по 5.000 и 10.000 литри биле направени од штиците на  мајсторите од  Рилскиот манастир ,  како и  два коритника од дабови штици, кои собирале од 30.000 до 40.000 килограми грозје , иако Велкови имале железен муљач, грозјето го гмечеле со нозе…

оти за нив било греота со железо да се гмечи божјата крв  и на крај Тиквешани верувале  дека и војската на Александар Македонски се насладувала со вино од овој регион демек ги честел своите војници со вино произведено од лозјата зад планините на своето родно место Пела , а зад планините на неговото родно место бил  тиквешкиот регион ,  за убавото тиквешко вино пишувале многу познати патописци како Евлија Челебија, Ами Буе, Јохан Хан …

ѕирнавме малку преку фотографијата во историјата на  винаријата Тиквеш( клик) , а сега ај да ѕирнеме во сегашноста , еве го главниот влез на винарската визба (клик) Тиквеш…

Во последнива години се вложувало многу во реконструкција(клик) како и за едукација на млади кадри  во Винарската визба АД Тиквеш Кавадарци , што се приметува веќе во внатрешноста и замислите ова е најстарата и најголемата винарија во Македонија или втората по големина винарска визба во Југоисточна Европа…

искрено очекував нешто попомпезно у смисол во комплицираност оти да се биде прв не е лесна работа , инаку, самиот технолошкиот процес на преработка на грозјето во вино се одвива во неколку фази и тоа како прва е категоризација на грозјето според неговиот квалитет, која се прави при самиот влез на грозјето во винаријата ( се мери количината на шеќерот, густината на зелените делови кај гроздовите се испитува дали грозјето има некакви болести , така класифицирано виното произведено во Тиквеш се дели на три познати за нас категории: трпезно, квалитетно и висококвалитетно…

втора  фаза е машинската обработка на грозјето или како велат во Кавадарци “муљање”, каде што гроздот се одделува од дршките и  зависно од типот на вино што треба да се добие зрната се гмечат или се ронат , потоа од тука грозјето оди на одделување на тврдите делови од течноста каде машина на овој степен на обработка има две фракции: преса и самоток, од кои потоа течноста оди да ферментира на две различни места , “разликата меѓу користењето на пресата и самотокот е во квалитот и карактерот на вината кои се произведуваат постои разлика во аромите и и во тежината на виното пресата произведува малку потешки вина”, а Тиквеш поголемо внимание му посветува на самотокот со секојдневна контрола на температурата и дегустации додека гроздовата течност ферментира…

за време на ферментацијата со апаратот ариометар се мерат ексловите (тоа се мерни единици кои го покажуваат степенот на шеќер во течноста) , ферментацијата се одвива во винификаторите, односно во инокс и епокс цистерните , кога ќе заврши бурната ферментација во виното остануваат десет до петнаесет грама на шеќер и тогаш се преточува течноста”, потоа виното оди на доферментација, која всушност претставува крајното ферментирање на шеќерот и тука завршува процесот на разложување на шеќерот од кој се добива алкохол…

по доферментацијата на гроздовата течност виното повторно се преточува, и потоа продолжува на одлежување, за време на кое се прават постојани лабораториски контроли за да дојде до драстични промени кај виното и како последна фаза е финализацијата во објектот кој собира 12 милиони литри течност каде таму виното се бистри, се филтрира, се стабилизира со ладење, се купажира (се мешаат различните вина), во четири инокс цилиндри од по 750.000 литри…

целиот технолошки процес трае најмалку седум месеци,

или едно младо вино, чија берба била во септември, може да биде готово најрано од март, следната година , секое дополнително одлежување на виното ја зголемува неговата цена, оти и трошоците на производство се зголемуваат ,

велиме за виното , колку постаро толку подобро , но и толку поскапо!

will be continued …

~ by bijonse1 on јули 15, 2012. Tagged: градови, интересни факти